جبری گمشدگی کمیشن دے غیرمعمولی اختیارات، کارکردگی وی دَس دیوے؟اسلام آباد ہائیکورٹ

اسلام آباد(بیورورپورٹ)اسلام آباد ہائیکورٹ وچ مسنگ سافٹ ویئر انجینئر محمد فہیم دی بازیابی دی درخواست اُتے سماعت ہوئی۔جسٹس طارق جہانگیری نے آکھیا کہ جبری گمشدگی کمیشن عملدرآمد نہیں کروا سکدا تے پروڈکشن آرڈر جاری کردا ہی کیوں اے؟ 2021 وچ پروڈکشن آرڈر جاری کیتا 2024 تک کجھ نہیں ہویا۔جسٹس ارباب محمد طاہر نے آکھیا کہ جبری گمشدگی کمیشن اپنی کوئی کارکردگی وی تے دَسے نہ؟ جبری گمشدگی کمیشن دے کول غیرمعمولی اختیارات موجود نیں۔جسٹس محسن کیانی نے آکھیا کہ جنہے کیس نیں ایہ حکومت تے جبری گمشدگی کمیشن نوں Dismiss کرن لئی کافی نیں،ایہ کیس ہوراں اداریاںنوں Dismiss وی کرن لئی کافی نیں، سمجھ لو۔وکیل نے دسیا کہ محمد فہیم سافٹ ویئر انجینئر اے تے بحریہ یونیورسٹی توں گولڈ میڈلسٹ اے، جسٹس محسن کیانی نے تفتیشی افسر توں استفسار کیتا کہ تُسی ایس کیس وچ کیہ تفتیش کیتی اے؟ ریاست توں تنخواہ لے رہے نیں عہدیاں نوں استعمال کر رہے نیں لیکن کم کوئی وی نہیں۔