اسلام آباد ہائیکورٹ دا شہباز گل دے بھائی نوں2دناں وچ بازیاب کراکے پیش کرن دا حکم

اسلام آباد(بیورورپورٹ)اسلام آباد ہائیکورٹ نے ڈاکٹر شہباز گل دے بھائی نوں 2 دناں وچ بازیاب کرا کے عدالت وچ پیش کرن دا حکم دے د تا۔ جسٹس ثمن رفعت امتیاز نے وڈا حکم جاری کر دتا، عدالت ولوں سماعت دا تحریری حکم نامہ جاری کیتا گیا، حکم نامہ وچ آکھیا گیا اسسٹنٹ اٹارنی جنرل نے دسیا چھٹیاں پاروں سیکرٹری دفاع دی رپورٹ نہیں آئی۔حکم نامہ مطابق سیکرٹری دفاع دا رویہ غیر سنجیدہ تے سست روی افسوسناک اے، سیکرٹری دفاع داایہ رویہ ایسے کیس وچ اے جیتھے اک لاپتہ شہری دی زندگی خطرے وچ اے، شہباز گل دے بھائی نوں 2 اگست تک بازیاب کرا کے عدالت وچ پیش کیتا جائے۔اسلام آباد ہائیکورٹ نے حکم دتا کہ آئندہ سماعت اُتے کیس دستیاب بینچ سامنے مقرر کرن۔