بشری بی بی9مئی دے11مقدمیاں وچ ملزمہ نامزد،رپورٹ عدالت پیش

اسلام آباد(بیورورپورٹ)اسلام آباد ہائی کورٹ وچ بشری بی بی خلاف درج کیساںدی تفصیل فراہمی کیس وچ اہم پیشرفت ہوگئی۔اسلام آباد ہائی کورٹ وچ بشری بی بی اُتے درج مقدمیاں دی تفصیل فراہمی دے کیس دی سماعت ہوئی۔نیب پراسیکیوٹر نے عدالتی حکم اُتے جواب جمع کروا ندیاں ہو یاں دسیا کہ بشری بی بی دے خلاف نیب وچ 4 کیس درج نیں،3 کیس راولپنڈی تے اک کیس نیب لہور وچ درج اے۔راولپنڈی پلس تے اسلام آباد پلس نے وی اپنا جواب جمع کرواد تا جدکہ ایف آئی اے تے بلوچستان پلس نے جواب جمع نہیں کروایا۔راولپنڈی پلس نے بشری بی بی نوں جی ایچ کیو حملہ سنے9مئی دے 11کیسز وچ ملزمہ نامزد کر دیاں ہو یاں اونہاں دے خلاف ضلع راولپنڈی وچ درج 11مقدمیاں دی تفصیل ہائیکورٹ وچ پیش کردین، سی پی او راولپنڈی نے رپورٹ ہائیکورٹ وچ جمع کرائی۔عدالت نے ایف آئی اے تے بلوچستان پلس نوں پیر لئی دوبارہ نوٹس جاری کر دیاں ہو یاں کیس دی ہور سماعت پیر تک ملتوی کردتی۔