عمران خان خود ساختہ انقلابی، منتاں، ترلیاں اُتے اُتر آیا اے،مریم اورنگزیب

لہور(پنجابی میڈیا)سینئر وزیر پنجاب مریم اورنگزیب نے آکھیا کہ معافی نہیں منگاں گا ’’کہن والا‘‘ عمران خان خود ساختہ انقلابی ہُم منتاں ترلیاں اُتے اُتر آیا اے۔سینئر صوبائی وزیر مریم اورنگزیب نے بانی پی ٹی آئی دے بیان اُتے ردعمل وچ آکھیا کہ خود ساختہ انقلابی فوج نال کس گل دے مذاکرات چاہندااے، شہیداں دے مجسمے توڑن، جی ایچ کیو تے ایئر بیس اُتے حملے کرن، کور کمانڈر دا گھر ساڑھن اُتے فوج توں معافی منگے۔مریم اورنگزیب نے آکھیا کہ مذاکرات نہیں شہیداں دے اہل خانہ توں9 مئی دے گناہ دی معافی منگو، 9 مئی دا منظم منصوبہ، شہیداں دیاں یادگاراں دی توہین، تنصیبات تے جی ایچ کیو اُتے حملہ تنقید نہیں ریاست اُتے حملہ ہُندا اے، فاشسٹ دی گل صرف اقتدار لئی ہندی اے۔سینئر صوبائی وزیر نے آکھیا کہ اقتدار دی خاطر آئین توڑن والا فاشسٹ ہُندااے، فاشسٹ سیاسی مخالف نوں اذیت دین لئی قید والد سامنے بیٹی نوں گرفتار کردا اے، فاشسٹ اوہ ہُندااے۔