مخصوص نشستاں دا عدالتی فیصلہ آئین دے آرٹیکلز توں باہر جا کر لکھیا گیا،عطاتارڑ

لہور(پنجابی میڈیا)وفاقی وزیراطلاعات عطا تارڑ نے آکھیا اے کہ مخصوص نشستاں داعدالتی فیصلہ آئین دے آرٹیکلز توں باہر جا کے لکھیا گیا۔لہور وچ پریس کانفرنس کر دیاں ہو یاں عطا تارڑ دا کہنا سی کہ مخصوص نشستاں دے فیصلے دے15دن لنگن دے باوجود تفصیلی فیصلہ نہیں آیا، مخصوص نشستاں دے معاملے وچ ایس جماعت نوں ریلیف د تا گیا جیہڑا درخواست گزار ہی نہیں سی۔اونہاں نے دسیا کہ معزز جج صاحبان نے آکھیا15دن لنگن دے باوجود تفصیلی فیصلہ کیوں نہیں آیا، سپریم کورٹ دے 2 ججاں نے بوہت کارآمد نکات چُکے نیں،معزز ججاں دے کیتے گئے اعتراض دا جواب آنا بوہت ضروری اے، یکطرفہ ریلیف دین نال غلط تاثر پیدا ہوئے گا۔