یوم شہدائے پلس بہادر سپوتاں دی لازوال قربانیاں یاد کرن دا دن اے،محسن نقوی

اسلام آباد(بیورورپورٹ)وفاقی وزیر داخلہ محسن نقوی نے آکھیا اے کہ یوم شہدائے پلس بہادر سپوتاں دی لازوال قربانیاں نوں یاد کرن دا دن اے۔یوم شہدائے پلس اُتے اپنے پیغام وچ وفاقی وزیر داخلہ محسن نقوی دا کہنا سی کہ سارے پلس شہدا دی عظیم قربانیاں نوں سلام پیش کر دے ہاں، پلس شہدا پوری قوم دا فخر نیں، پلس افسراں تے جواناں نے ہمیشہ ہر اول دستے دے طور اُتے جرائم دی سرکوبی کیتی اے۔اونہاں نے آکھیا کہ قیام امن لئی ساریاں صوبیاں دی پلس دی مثالی خدمتاں نوں سرا ہندے ہاں، اَت گردی خلاف جنگ وچ وی پلس افسراں تے جواناں نے اپنے قیمتی لہو نال تریخ رقم کیتی اے، شہیدایس ایس پی اشرف مارتھ، شہید کیپٹن مبین تے سارے پلس شہدا ساڈے دلاں وچ ہمیشہ زندہ نیں تے زندہ رہن گے۔