سندھ حکومت2لکھ گھراںنوں سولر سسٹم دیوے گی،مراد علی شاہ

کراچی(بیورورپورٹ)وزیراعلی ہائوس وچ سولر ہوم سسٹم دے معاہدے دی تقریب نال خطاب وچ مراد علی شاہ نے آکھیا کہ پہلے مرحلے وچ400میگاواٹ بجلی پیدا کراں گے، چا ہندے ہاں کہ لوکاں نوں سستی بجلی فراہم کریئے۔وزیر اعلی سندھ مراد علی شاہ نے آکھیا کہ ساریاں سرکاری عمارتاں نوں سولر سسٹم اُتے منتقل کیتا جائے گا،34 سرکاری عمارتاں سولر اُتے منتقل ہوچکیاں نیں، سندھ سولر انرجی پراجیکٹ ورلڈ بینک دے تعاون نال شروع کیتا جارہیا اے، ورلڈ بینک ایس پراجیکٹ اُتے100 ملین ڈالر دی فنڈنگ کر رہیا اے۔اونہاں نے ہورآکھیا کہ گھٹ آمدنی والے خانداناں نوں 80فیصد سبسڈی اُتے سولر سسٹم ملے گا، بے نظیر انکم سپورٹ پروگرام وچ رجسٹرڈگھرانیاں نوں پروگرام وچ شامل کیتا جائے گا جدکہ سولر سسٹم نال 1پکھا تے 3 بلب جلائے جا سکن گے، ساڈی کوشش اے کہ سیلاب متاثرین دے 20 لکھ گھرانیاں نوں وی سولر سسٹم دیئے۔