اَت گردی خلاف کامیابی وچ پلس فورس دا نمایاں کردار اے، صدر مملکت

اسلام آباد(بیورورپورٹ)صدر مملکت آصف علی زرداری نے آکھیا اے کہ اَت گردی خلاف کامیابی وچ پلس فورس دا نمایاں کردار اے، پوری قوم ولوں پلس شہداء نوںخدمات تے قربانیاں اُتے سلام پیش کر دا ہاں۔یوم شہدائے پلس دے موقع اُتے شہداء نوں خراج عقیدت پیش کر دیاں ہو یاں صدر مملکت نے آکھیا کہ قوم لئی جاناں دا نذرانہ پیش کرن والے پلس دے اہلکاراں دی بے مثال جرات تے قربانیاں نوں خراج تحسین پیش کر دے ہاں۔اونہاں نے آکھیا کہ اَت گردی خلاف جنگ وچ پلس دے شہداء نے گراں قدر خدمات انجام دتیاں، پوری قوم نوں اپنے بہادر شہداء اُتے فخر اے۔ پلس نے اَت گرداں تے جرائم پیشہ عناصر خلاف فرنٹ لائن اُتے لڑ دیاں ہو یاں جاناں دا نذرانہ پیش کیتا۔