اَت گردی خلاف جنگ وچ قربانیاں دین والیاںنوں سلام پیش کر دا ہاں،علی امین گنڈاپور

پشور(بیورورپورٹ)وزیراعلی خیبرپختونخوا علی امین خان گنڈاپور نے آکھیا کہ اَت گردی خلاف جنگ وچ قربانیاں دین والیاں نوںسلام پیش کردا ہاں۔وزیراعلی خیبرپختونخوا علی امین خان گنڈاپور نے تقریب نال خطاب کر دیاں ہو یاں آکھیاکہ شہدا تے اونہاں دے وارثاں نوں سلام پیش کر دا ہاں، سب توں پہلاں امن و امان اسیں قائم کرنا اے، اپنی پلس نوں ہور مضبوط کراں گے، جد تک امن نہیں ہوئے گا اک خوشحال صوبہ ممکن نہیں۔علی امین گنڈا پور نے آکھیا کہ اسلحہ سنے ہور سازو سامان لئی فنڈز د تے نیں تے ہور دیاں گے، ٹریفک چالان وچ 1 فیصد شہدا لئی ہوئے گا، ٹریفک چالان وچ 20 فیصد پلس ویلفیئر نوںجائے گا۔وزیراعلی کے پی نے آکھیا کہ شہداء دے بال ساڈے بال نیں، سوچدا ہاں حاضر سروس پلس اہلکار اک ذہنی کیفیت وچ ہُندے نیں، ساڈا رویہ اونہاں دے نال سخت نہیں ہونا چا ہیدا، سخت روئیاں نال دل شکنی ہُندی اے شہدا دی تے فورس دی اونہاں دے نال ساہنوں اپنے رویئے اُتے وی غور کرنا ہوئے گا۔