لہور:مختلف علاقیاں وچ کِدھرے ہلکی کِدھرے تیز بارش،موسم خوشگوار

لہور(پنجابی میڈیا)لہور دے مختلف علاقیاں وچ کِدھرے ہلکی تے کِدھرے تیز بارش نال شہر دا موسم خوشگوار ہوگیا۔صوبائی دارالحکومت لہور دے علاقے ایبٹ روڈ، شملہ پہاڑی، لکشمی چوک، قلعہ گجر سنگھ، ایجرٹن روڈ، ڈیوس روڈ اُتے بَدل وَسے جدکہ میسن روڈ، لارنس روڈ تے چوبرجی پاسے وی بارش ہوئی۔بارش پاروں درجہ حرارت گھٹ ہوگئیا جدکہ ٹھنڈی ہوا چلن نال شہر دا موسم خوشگوار ہوگیا، گرمی تے حبس دی چھٹی نال شہریاں دے چہرے کھل اٹھے۔