سپریم جوڈیشل کونسل:چیف الیکشن کمشنر تے ہوراںخلاف ریفرنس دائر

لہور(پنجابی میڈیا)اپوزیشن لیڈر پنجاب اسمبلی احمد خان بھچر نے چیف الیکشن کمشنرسنے ہوراں ممبراں خلاف سپریم جوڈیشل کونسل وچ ریفرنس دائر کر دتا اے۔احمد خان بھچر نے 430 صفحیاں اُتے مشتمل ریفرنس سپریم کورٹ لہور رجسٹری وچ جمع کرایا اے، ریفرنس وچ موقف اپنایا گیا اے کہ چیف الیکشن کمشنر تے الیکشن کمیشن دے ہور ممبر جانبدار نیں تے جنرل الیکشن وچ چیف الیکشن کمشنر تے ہور ممبراں جانبداری دا مظاہرہ کیتا۔ریفرنس وچ ایہ نکتہ چُکیا گیا اے کہ چیف الیکشن کمشنر تے ممبراں نے قنون تے آئینی ذمہ داریاں دا مظاہرہ نہیں کیتا، ریفرنس وچ استدعا کیتی گئی اے کہ چیف الیکشن کمشنر تے ممبراں نوں فوری عہدیاں توں ہٹایا جائے، ریفرنس دے حتمی فیصلے تک چیف الیکشن کمشنرسنے ہوراں ممبراں نوں کم کرن توں وی روکیا جائے۔