شہداء پلس دی تکریم اُتے کوئی سمجھوتہ نہیں کراں گے،مریم نواز

لہور(پنجابی میڈیا)وزیراعلی پنجاب مریم نوازشریف نے آکھیا اے کہ شہداء پلس دی تکریم اُتے کوئی سمجھوتہ نہیں کراں گے۔یوم شہدائے پلس اُتے اپنے پیغام وچ مریم نواز دا کہنا سی کہ ساریاں شہداء دی عظیم قربانیاں نوں سلام، 4 اگست کَدی نہیں بُھل سکدے ایہ دن شہداء دی یاد دلاندا اے، یوم شہدا بہادر سپوتاں دی عظیم قربانیاں نوں خراج تحسین پیش کرن دا دن اے۔اونہاں نے آکھیا کہ شہداء ساڈے دلاں وچ ہمیشہ زندہ رہن گے، پلس شہداء دی لازوال قربانیاں اثاثہ نیں جنہاں نوں کَدی فراموش نہیں کیتا جا سکدا۔اونہاں دا کہنا سی کہ اوہ قوم سرخرو ہندی اے جیہڑی شہداء دی تکریم کر دی اے، شہداء دی تکریم اُتے کوئی سمجھوتہ نہیں کراں گے، حکومت پنجاب ہر لمحہ شہداء دے اہل خانہ دے نال اے تے نال رہے گی۔