بھارت دا5اگست2019 دا اقدام عالمی قنون دی خلاف ورزی اے،بلاول بھٹو
اسلام آباد(بیورورپورٹ)چیئرمین پاکستان پیپلز پارٹی وسابق وزیرخارجہ بلاول بھٹو نے آکھیا اے کہ5اگست2019نوں چُکیا گیا بھارتی قدم اقوام متحدہ دی قرارداداں تے عالمی قنون دی صریح خلاف ورزی اے۔یوم استحصال کشمیر دی مناسبت نال جاری اپنے اک بیان وچ بلاول بھٹو زرداری دا کہنا سی کہ بھارت مقبوضہ کشمیر وچ جبروبربریت دے سارے ہتھکنڈے آزما چکیا، بھارت مظلوم کشمیریاں دی جدوجہدِ حق خودارادیت نوں دبان وچ مکمل طور نکام ہو چکیااے۔اونہاں نے آکھیا کہ آرٹیکل 370 تے35اے دی منسوخی ذریعے دنیا نوں پیغام دتا گیا کہ بھارت ریاستی ظلم واستبداد اُتے یقین رکھدااے بھارت دے مذکورہ اقدام دا مقصد مقبوضہ وادی وچ کشمیریاں دی اکثریت نوں اقلیت وچ تبدیل کرنا اے۔
