ملک بھر وچ کورونا منہ زور ہو گیا، اک دن وچ ریکارڈ 4 ہزار 960 افراد متاثر ہو گئے جس دے بعد مریضاں دی تعداد 98 ہزار 943 ہو گئی

اسلام آباد: ملک بھر وچ کورونا منہ زور ہو گیا، اک دن وچ ریکارڈ 4 ہزار 960 افراد متاثر ہو گئے جس دے بعد مریضاں دی تعداد 98 ہزار 943 ہو گئی، 24 گھنٹیاں وچ 67 افراد زندگی دی جنگ ہار گئے، مرن والیاں دی تعداد 2 ہزار 2 ہو گئی۔ملک وچ کورونا دا پھیلاو¿ مزید تیز ہوگیا، نیشنل کمانڈ اینڈ آپریشن سینٹر دے تازہ اعدادوشمار دے مطابق 24 گھنٹیاں وچ ریکارڈ 4 ہزار 960 کیسز سامنے آئے جس دے بعد تعداد 98 ہزار 943 ہو گئی، پنجاب وچ 37 ہزار 90، سندھ 36ہزار 364، خیبرپختونخوا وچ 13ہزار اک تے بلوچستان وچ 6 ہزار 221 مریض نیں۔اسلام آباد وچ 4 ہزار 997، گلگت بلتستان 927 تے آزاد کشمیر وچ 361 کیسز نیں، ملک بھر وچ اک دن 67 افراد دی زندگیاں نوں کورونا نگل گیا،جس دے بعد موتاں دی تعداد 2002 ہو گئی۔24 گھنٹیاں دے دوران ریکارڈ 23ہزار 100 افراد دے ٹیسٹ ہوئے جس دے بعد ٹیسٹاں دی مجموعی تعداد 6لکھ 83 ہزار 608 ہو گئی۔ ملک بھر وچ کورونا نوں شکست دین والیاں دی تعداد 33 ہزار 465 ہوچکی اے۔
٭٭٭٭٭٭٭
اسلام آباد تے پنجاب وچ سی این جی دے نرخ وچ 7 روپے 50 پیسے فی لٹر کمی
لہور: درآمدی ایل این جی مزید سستی کر دتی گئی، اوگرا نے سوئی نادان لئی گیس دی قیمت وچ 1.39 ڈالر تے سوئی سدرن لئی گیس دی قیمت وچ 1.48 ڈالر فی ایم ایم بی ٹی یو دی کمی کر دتی اے، پنجاب تے اسلام آباد دے لئی سی این جی دی قیمت وچ ساڈھے 7 روپے فی لٹر دی کمی کردتی گئی اے۔اوگرا ولوں جون لئی جاری ہون والے نوٹیفکیشن دے مطابق سوئی نادرن لئی ایل این جی دی نوی قیمت 6.12 ڈالر فی ایم ایم بی ٹی یو مقررکیتی گئی اے، سوئی سدرن لئی نوی قیمت 6.27 ڈالر فی ایم ایم بی ٹی یو مقررکیتی گئی اے، اس توں پیہلا مئی وچ سوئی نادرن لئی ایل این جی دی قیمت 7.51 ڈالر فی ایم ایم بی ٹی یو اورسوئی سدرن لئی ایل این جی دی قیمت 7.45 ڈالرفی ایم ایم بی ٹی یو مقررسی۔پنجاب تے اسلام آباد وچ سی این جی دی قیمت وچ کمی کردتی گئی اے، سی این جی دی قیمت وچ ساڈھے 7 روپے فی لٹر دی کمی کردتی گئی اے، قیمت وچ کمی دا اطلاق فوری طور تے ہوویگا۔
٭٭٭٭٭٭٭
آمدن توں زائد اثاثے کیس، شہباز شریف دا 9 جون نوں نیب وچ پیش ہون دا فیصلہ
لہور: آمدن توں زائد اثاثہ جات کیس وچ شہباز شریف نے 9 جون نوں نیب دے سامنے پیش ہون دا فیصلہ کر لیا۔ شہباز شریف نے 10 سالاں وچ کیتا کمایا تے کینا ٹیکس دتا تفصیلات منظر عام تے آ گئی۔
منی لانڈرنگ تے آمدن توں زائد اثاثہ جات کیس وچ سابق وزیراعلی پنجاب شہباز شریف نے 9 جون نوں نیب وچ پیش ہون دا فیصلہ کیتا اے۔ 10 سالاں وچ شہباز شریف نے کینا کمایا تے کینا ٹیکس ادا کیتا ایہ تفصیلات وی سامنے آ گئی ایں۔ سابق وزیر اعلی نے 10 سال دے دوران 8 کروڑ 1 لکھ 1 ہزار 705 روپے کمائے، دستاویزات دے مطابق شہباز شریف نے 10 سال دے دوران 1 کروڑ 10 لکھ 21 ہزار 89 روپے ٹیکس دتا۔شہباز شریف دی سب توں گھٹ آمدنی 2019 وش 25 لکھ ہوئی جس تے 3 لکھ 33 ہزار 250 روپے ٹیکس جمع کروایا، 2009 وچ شہباز شریف دی آمدنی 30 لکھ جدکہ ٹیکس نے 3 لکھ 93 ہزار جمع کروایا۔شہباز شریف دے مطابق انہاں نے سب توں زیادہ کمائی 2011 وچ 1 کروڑ 65 لکھ 46 ہزار 705 روپے دی تے 27 لکھ 82 ہزار 500 جمع کروایا، دستاویزات دے مطابق گزرے 6 سال توں شہباز شریف دی آمدنی دی ہوئی گزرے 3 سال وچ شہباز شریف نے 88 لکھ کمائے جدکہ 12 لکھ 9 ہزار 250 روپے ٹیکس جمع کروایا۔
٭٭٭٭٭٭
دفتر خارجہ دے 2 افسراں سمیت 5 ملازم کورونا وائرس دا شکار، قرنطینہ کردتا گیا
اسلام آباد: ترجمان دفتر خارجہ نے آکھیا اے کہ کورونا وائرس ٹیسٹ مثبت آنے تے وزارت دے متاثرہ ملازمین نوں قرنطینہ کر دتا گیا۔تفصیلات دے مطابق وزارت خارجہ ولوں جاری کردہ نوٹیفکیشن دے مطابق وزارت دے دفاتر وچ گھٹ توں گھٹ افرادی قوت دی ہدایات جاری کیتی گئی ایں۔ترجمان دفتر خارجہ نے وزارت خارجہ وچ کورونا کیسز دی تصدیق کردے ہوئے آکھیا کہ کورونا وائرس دا پھیلاو روکن لئی ٹیسٹ مثبت آن والیاں نوں قرنطینہ کر دتا گیا اے۔ وائرس توں متاثرہ افراد وچ 2 افسران سمیت 5 ملازم شامل نیں۔