پاکستان کرکٹ ٹیم وچ میرٹ نوں یقینی بنایا جائے،وزیراعظم شہبازشریف

لہور(پنجابی میڈیا)وزیراعظم شہباز شریف نے ہدایت کیتی اے کہ پاکستان کرکٹ ٹیم وچ میرٹ نوں یقینی بنایا جائے۔قذافی سٹیڈیم دی اپ گریڈیشن دا سنگ بنیاد رکھن دی تقریب نال خطاب کر دیاں ہویاں وزیراعظم شہباز شریف دا کہنا سی کہ چیئرمین پی سی بی محسن نقوی نے آکھیا اے کرکٹ ٹیم دی تشکیل نوکرن، میرٹ دی بنیاد اُتے کھڈاریاں دا چنائو کیتا جائے۔اونہاں نے آکھیا کہ کسی وی سفارش نوں مسترد کر دیاں ہویاں صرف ٹیلنٹ نوں اگے لیایا جائے، کرکٹ ٹیم دی تشکیل نو اک وڈھی کامیابی ہوئے گی، میرٹ خلاف میں وی سفارش کراں تے نہ منن ۔شہباز شریف دا کہنا سی کہ چیئرمین پی سی بی محسن نقوی کرکٹ اُتے بھرپور توجہ دین، امید اے پاکستان کرکٹ دا ناں دوبارہ روشن ہوئے گا۔