آئین وچ تبدیلی کر کے کشمیریاں دے حقوق ختم کرنا بھارت دی خام خیالی اے،اسحاق ڈار

اسلام آباد(بیورورپورٹ)نائب وزیراعظم ووزیر خارجہ اسحاق ڈار نے آکھیا اے کہ آئین وچ تبدیلی کر کے کشمیریاں دے حقوق ختم کرنا بھارت دی خام خیالی اے۔وفاقی دارالحکومت اسلام آباد وچ یوم استحصال کشمیر بارے کل جماعتی حریت کانفرنس دی چھتر چھاویں شاہراہ دستور اُتے ریلی کڈی گئی جس وچ طلبا طالبات، سول سوسائٹی تے سیاسی جماعتاں دے نمائندیاں نے رَلت کیتی۔ریلی دفتر خارجہ توں شروع ہوئی تے پارلیمنٹ ہائوس دے گیٹ تک اپڑ کے اختتام پذیرہوئی، ریلی دے رَلتیاںولوں1منٹ دی خموشی وی اختیار کیتی گئی۔یوم استحصال کشمیر ریلی وچ نائب وزیراعظم و وزیرخارجہ اسحاق ڈار تے وفاقی وزیرامورکشمیر امیر مقام وی رَلتی ہوئے۔