بھارت نے کشمیریاں دی اُچیچی حیثیت کھو کے انسانیت خلاف جرم کیتا،محسن نقوی

لہور(پنجابی میڈیا)وفاقی وزیر داخلہ محسن نقوی نے آکھیا اے کہ مقبوضہ کشمیر دا بحران عالمی برادری دی بے حسی دا نوحہ اے، بھارت نے کشمیریاں دی اُچیچی حیثیت کھو کے انسانیت خلاف جرم کیتا۔یوم استحصال کشمیر دے موقع اُتے اپنے پیغام وچ سینیٹر محسن نقوی دا کہنا سی کہ5اگست مقبوضہ جموں و کشمیر دی تریخ دا سیاہ ترین دن اے، بھارت نے5اگست 2019 نوں غیر قنونی تے یکطرفہ اقدام کر کے کشمیر دی حیثیت نوں تبدیل کیتا جس دی سخت لفظاں وچ مذمت کر دے ہاں۔اونہاں نے آکھیا کہ 5 اگست نوں دنیا سامنے ناصرف ہندوستان دا مکروہ چہرہ بے نقاب ہویا بلکہ کشمیریاں اُتے نہ ختم ہون والے مظالم وی سب دے سامنے واضح ہوئے، کشمیری عوام دی جدوجہد نوں سلام پیش کر دے ہاں۔