دسیا جائے ملک وچ ٹوئٹر سروسز کیہڑی ایس او پیز تحت دتی گئی؟لہورہائیکورٹ

لہور(پنجابی میڈیا) لہورہائیکورٹ دی چیف جسٹس عالیہ نیلم نے کیس دی سماعت دوران استفسار کیتا کہ دسیا جائے ملک وچ ٹوئٹر دی سروسز کیہڑی ایس او پیز تحت دتی گئی اے؟لہور ہائیکورٹ دی چیف جسٹس عالیہ نیلم نے وزیراطلاعات پنجاب عظمی بخاری دی مبینہ ویڈیو دے خلاف درخواست اُتے سماعت دی جس سلسلے وچ ایف آئی اے تے وفاقی حکومت دے وکیل عدالت وچ پیش ہوئے۔دوران سماعت وکیل ایف آئی اے نے کیس وچ پیشرفت بارے عدالت نوں آگاہ کیتا کہ ملزم محمد شفیق نوںگجرات توں گرفتار کرلیا گیا اے، ایس اُتے عدالت نے پچھیا کہ ایہ سارے مٹیریل گرفتار ملزم نے تیار کیتا ؟ایف آئی اے وکیل نے دسیا کہ ویڈیو اک سوشل میڈیا اکائونٹ توںپہلے اپ لوڈ ہوئی اوس نوں پھڑیا، تفتیش ہورہی اے جسطرح جسطرح تفتیش ہوئے گی ہور ملزم سامنے آ ن گے۔ چیف جسٹس نے ریمارکس د تے کہ سوشل میڈیا اُتے چنگے کم وی ہورہے نیں لو کاں نوں فائدہ وی ہُندا اے، چنگیاں چیزاں دا استعمال ہونا چا ہیدا اے مگر بریاں چیزاںنوں روکنا اے۔