عمران خان دے خلاف درج مقدمیاں دی تفصیل لئی درخواست اُتے فریقیاں نوں نوٹس

لہور(پنجابی میڈیا)لہورہائیکورٹ نے بانی پی ٹی آئی عمران خان دے خلاف درج مقدمیاں دی تفصیل فراہم کرن لئی دائر درخواست اُتے فریقیاں نوں نوٹس جاری کرد تے۔لہور ہائیکورٹ دے جسٹس شمس محمود مرزا دی سربراہی وچ 2 رکنی بنچ نے درخواست اُتے سماعت کیتی، درخواست وچ نیب، ایف آئی اے، اینٹی کرپشن تے پلس نوں فریق بنایا گیا اے۔عمران خان ولوں درخواست وچ موقف اختیار کیتا گیا کہ مینوں ساریاں مقدمیاں وچ ضمانت ملن اُتے رہائی دے نیڑے نیب نے دوبارہ گرفتار کر لیا۔درخواست گزار نے استدعا کیتی کہ لہور ہائیکورٹ درج ساریاں مقدمیاں، انکوائریاں تے نظر بندی دے حکم دیوے، عدالت عالیہ متعلقہ عدالت نال رجوع توں پہلاں کسی وی نویں مقدمے وچ گرفتاری روکن دا حکم دے۔بعد وچ عدالت نے عمران خان دے خلاف درج مقدمیاں دی تفصیل فراہمی لئی درخواست اُتے فریقیاں نوں نوٹسز جاری کر دیاں ہو یاں کیس دی ہور سماعت غیر معینہ مدت تک ملتوی کردتی۔