کشمیر دی تحریک وچ فتح وکامرانی مجاہداں دے قدم چومے گی،مولانا فضل الرحمان

دھیرکوٹ(بیورورپورٹ)جمیعت علما اسلام دے سربراہ مولانا فضل الرحمان نے آکھیا کہ کشمیر دی تحریک وچ فتح وکامرانی مجاہداں دے قدم چومے گی۔جمیعت علما اسلام دے سربراہ مولانا فضل الرحمان نے جلسہ نال خطاب کر دیاں ہو یاںآکھیا کہ کشمیریاں دی اک تریخ اے،اوہ حصول آزادی لئی اے، آزادی دی تحریکاں ضروری نہیں کہ مہینے وسالاں وچ اپنی منزل پا لین۔مولانا فضل الرحمان نے آکھیا کہ اگر تحریک وچ شامل قوماں استقامت تے اُچے عزم رکھدیاں نیں تے تحریک سمندر دی لہراںونگوںساحل اُتے جا کے رُکدیاں نیں،کشمیری مجاہد قوم ہون دے نال نال مظلوم قوم وی اے، کشمیر دی داستان صدیاں اُتے محیط اے۔اونہاں دا کہنا سی کہ برصغیر وچ آزادی دی جنگ 2سو سال توںوَدھ لڑی گئی، حالات تے جغرافیے بدلدے رہندے نیں، نویں نسلاں نوں نوا محول ملدا اے،ساریاں تبدیلیاں دے باوجود آزادی دا نظریہ نسل در نسل نویں نسل تک پہنچدا اے۔جمعیت علما اسلام دے سربراہ نے آکھیا کہ ہندوستان نے غلط فیصلہ کیتا، کشمیر دی اُچیچی حیثیت ختم کیتی، ایتھے پاکستان دے ایس ویلے دے حکمراناں نے خموشی اختیار کیتی، پاکستان دی عوام، جوان تے قوم کشمیریاں دے نال اے، اکیلا نہیں چھڈاں گے۔اونہاں داکہنا سی کہ فلسطینیاں دی زمین نوں نہیں خریدیا جاسکدا، انگریز نے1917 وچ غلط معاہدے دے تحت یہودیاں نوں اوتھے بستیاں بنان دی اجازت دتی، قیام پاکستان دی قرارداد 1940 وچ لہور وچ منظور ہوئی، ایسی قرارداد وچ ایہ وی آکھیا گیا سی کہ فلسطین دی سرزمین اُتے یہودی آبادکاری، نویاں بستیاں ناجائزعمل اے۔