پی ٹی آئی دا مخصوص نشستاں دی فہرست تبدیل کرن دا فیصلہ

پشور(بیورورپورٹ) پی ٹی آئی ولوں مخصوص نشستاں دی فہرست وچ تبدیلی کرن دا فیصلہ کیتا گیا اے۔ذرائع مطابق مخصوص نشستاں لئی د تے گئے ناں تے فہرست نوں تبدیل کیتا جائے گا۔ پرانی فہرست وچ شامل ناماں نوں وی تبدیل کرن اُتے مشاورت شروع کردتی گئی اے۔ ایس بارے مخصوص نشستاں لئی عورتاں تے اقلیتی امیدواراں دی فہرست وچ تبدیلی ہو گی۔پارٹی ذرائع دا کہنا اے کہ بانی چیئرمین پی ٹی آئی عمران خان سامنے تبدیل شدہ فہرست تے ناں رکھے جان گے۔ پارٹی دی سینئر قیادت نوں سابقہ فہرست وچ موجود کجھ ناماں اُتے تحفظات وی نیں۔ نویں ناں پارٹی قیادت دی مشاورت نال شامل کیتے جان گے۔دُوجے پاسے بیرسٹر گوہر نے مخصوص نشستاں لئی نویں فہرست تیار کرن دی تصدیق کردتی اے۔ اونہاں نے آکھیا کہ نویں فہرست دی حتمی منظوری بانی پی ٹی آئی کرن گے۔