عمران خان دے نال کوئی ڈیل دا معاملہ زیر غور نہیں،رانا ثنا اللہ

لندن(نیوزڈیسک)وزیراعظم دے مشیر رانا ثنا اللہ نے آکھیا کہ بانی پی ٹی آئی عمران خان دے نال کوئی ڈیل دا معاملہ زیر غور نہیں۔وزیراعظم دے مشیر رانا ثنا اللہ نے پاکستان ہائی کمیشن لندن آمد اُتے میڈیا نال گل بات کر دیاں ہو یاں آکھیا کہ حکومت جان والی نہیں، افواہوں ہمیشہ گردش کر دیاں رہندیاں نیں، زیادہ فکر دی لوڑ نہیں۔رانا ثنا اللہ نے آکھیا کہ ساریاں سیاسی جماعتاں نوں مل کے بیٹھنا ہوئے گا، پاکستان دی ترقی لئی سب جماعتاں اگے وَدھ کے مذاکرات دے عمل نوں اگے ودھان، بجلی دے مسئلے اُتے حکومت کوشش کر رہی اے کہ بجلی دے بل گھٹ کیتے جان۔اونہاں دا ہور کہنا سی کہ کوشش کر رہے ہاں کہ آئی پی پیز نوں دین والے پیسیاں توں جان چھڑائیے، 2018 وچ اک نوا پراجیکٹ لانچ کرکے ترقی دا پہیہ روکیا گیا،12،12 سال توں فیڈریشن وچ بیٹھے لوکاں دی کارکردگی صفر اے۔رانا ثنا اللہ نے آکھیاکہ وفاقی تے پنجاب دی حکومت نوں نوازشریف دی رہنمائی حاصل اے، وزیراعلی خیبرپختونخوا تیس مار خان اے، میٹنگ وچ کجھ ہور موقف رکھدا اے تے پبلک وچ کجھ ہور، جنہاں معاملات وچ کے پی حکومت نوں وفاق تون تعاون چاہیدا اے اوہ ہو رہیا اے۔