سپریم کورٹ نے یکم اگست دی پریکٹس اینڈ پروسیجر کمیٹی اجلاس دے منٹس جاری کر دتے

اسلام آباد(بیورورپورٹ)سپریم کورٹ نے یکم اگست دی پریکٹس اینڈ پروسیجر کمیٹی اجلاس دے منٹس جاری کر د تے۔اعلامیہ دے مطابق کمیٹی اجلاس وچ صحافی ارشد شریف قتل ازخود نوٹس زیر بحث آیا، چیف جسٹس قاضی فائز عیسی نے آکھیا کہ ارشد شریف کیس وچ آئینی تشریح دا نکتہ نہیں اے،3رکنی بینچ ارشد شریف قتل کیس دی سماعت کر سکدا اے۔اعلامیہ مطابق جسٹس منصور علی شاہ دی سربراہی وچ 3رکنی بینچ ایس مقدمے دی سماعت کر سکدا اے، جسٹس منصور علی شاہ تے جسٹس منیب اختر نے لارجر بینچ دی تشکیل لئی تجویز دتی، ماضی وچ 5رکنی لارجر بینچ ایس کیس دی سماعت کر چکیا اے ،اعلامیہ وچ دسیا گیا کہ جسٹس منصور، جسٹس منیب، جسٹس جمال مندوخیل تے جسٹس محمد علی مظہر پہلاں ایہ مقدمہ سن چکے نیں، سینئر ججاں نے جسٹس جمال مندو خیل دی سربراہی وچ 5 رکنی لارجر بینچ تشکیل دین اُتے زوردتا، چیف جسٹس نے لارجر بینچ دی تشکیل دی مخالفت کیتی۔