نائب وزیراعظم اسحاق ڈار او آئی سی اجلاس وچ رَلت کرن گے

اسلام آباد(بیورورپورٹ)ترجمان دفتر خارجہ مطابق نائب وزیراعظم تے وزیر خارجہ اسحاق ڈار او آئی سی اجلاس وچ رَلت کرن گے۔ترجمان مطابق نائب وزیراعظم اسحاق ڈار او آئی سی دی ایگزیکٹو کمیٹی دے غیر معمولی اجلاس وچ رَلتی ہون گے، اجلاس سعودی عرب دے شہر جدہ وچ ہوئے گا، اجلاس ایران تے فلسطین دی درخواست اُتے بلایا جا رہیا اے۔اجلاس وچ اسرائیل دی فلسطین خلاف جارحیت تے ہور علاقائی مسائل اُتے تبادلہ خیال ہوئے گا، فلسطینی کاز دے حامی طور اُتے پاکستان نے ہمیشہ او آئی سی تے ہور بین الاقوامی فورم اُتے اپنی آواز اُچی کیتی۔اجلاس وچ وزیر خارجہ غزہ تے مشرق وسطی دی صورتحال اُتے پاکستان دے تحفظات پیش کرن گے، وزیر خارجہ غزہ وچ فوری امن تے امدادی امداد دی فراہمی اُتے زور دین گے۔