بھارت نے5اگست2019نوں مقبوضہ کشمیر وچ جبر دی نویں مثال قائم کیتی،مریم نواز

لہور(پنجابی میڈیا)وزیراعلی پنجاب مریم نواز نے آکھیا اے کہ بھارت نے 5اگست2019نوں مقبوضہ جموں وکشمیرنوں کھلی جیل وچ بدل کے جبر واستبداددی نویں مثال قائم کیتی۔یوم استحصال کشمیر اُتے اپنے پیغام وچ وزیراعلی پنجاب مریم نواز دا کہنا سی کہ مقبوضہ کشمیر دے ہر شہید، ہر مظلوم تے محصور، مقبوضہ کشمیر دی ماں، بہناں، بیٹیاں تے نوں میرا سلام۔اونہاں نے آکھیا کہ بھارت نے 5 اگست 2019 نوں مقبوضہ جموں و کشمیر نوں کھلی جیل وچ بدل کے جبر و استبداد دی نویں مثال قائم کیتی، دنیا کَدوں تک آکھاں بند کر کے بیٹھے گی؟ کَدوں تک کشمیری جبر و بربریت دا شکار ہندے رہن گے؟اونہاں دا کہنا سی کہ بھارت دے غیرقنونی تے غاصبانہ تسلط دے خلاف کشمیریاں دی لازوال قربانیاں رنگ لیان گیاں، پاکستان دنیا دے ایواناں وچ کشمیریاں دی آواز چُکدا رہے گا۔