بشری بی بی ولوں مقدمیاں دی تفصیل فراہم کرن لئی درخواست، ڈی آئی جی آپریشنزراولپنڈی طلب

اسلام آباد (بیورورپورٹ)اسلام آباد ہائی کورٹ نے بانی پی ٹی آئی دی گھر والی بشری بی بی ولوں مقدمیاں دی تفصیل فراہم تے گرفتاری روکن دی متعلقہ عدالت نال رجوع دی درخواست اُتے سماعت وچ ڈی آئی جی آپریشنز راولپنڈی نوں 7اگست نوں بلا لیا ۔اسلام آباد ہائیکورٹ دے چیف جسٹس عامر فاروق نے کیس دی سماعت کیتی، بشری بی بی دے وکیل سردار لطیف کھوسہ عدالت وچ پیش ہوئے ، سردار لطیف کھوسہ نے عدالت نوں دسیا کہ بشری بی بی نوں9مئی دے کیسز وچ شامل کر د تا گیا اے، اک کیس وچ آکھیا گیا کہ انویسٹی گیشن شروع نہیں ہوئی لیکن گرفتار کرنا اے۔چیف جسٹس عامر فاروق نے استفسار کیتاکہ9 مئی دی ایف آئی آر کیتھے دی اے؟ جس اُتے سردار لطیف کھوسہ نے آکھیاکہ ساریاںگیارہ ایف آئی آر 9 مئی دیاں ہی نیں، جس اُتے چیف جسٹس نے آکھیا کہ ڈی آئی جی آپریشنز راولپنڈی نوںبلا کے9 مئی مقدمیاں دا سٹیٹس پچھ لیندے ہاں۔اسلام آباد ہائیکورٹ نے ڈی آئی جی آپریشنز راولپنڈی نوں7 اگست نوں بلا لیا،چیف جسٹس نے کیس دی سماعت 7 اگست تک ملتوی کردتی ۔