مینوں انصاف نہ ملیا تے کوئی نہیں بچے گا،عظمی بخاری

لہور( پنجابی میڈیا)عظمی بخاری نے آکھیا کہ میں وی ایس ملک وچ بھرپور لڑائی لڑرہی ہاں،اج مینوں عدالت وچ بیٹھ کے رونا آگیا، عدالت وچ تریخ اُتے تریخ دتی جاندی اے، وزیراعظم توں گزارش اے کہ ایف آئی اے دے سائبر کرائم ونگ نوں بند کردین، ایف آئی اے سائبر کرائم ونگ والے کوئی کم نہیں کررہے صرف بیٹھ کے تنخواہواں لے رہے نیں۔صوبائی وزیر دا کہنا سی کہ اج وی میرے خلاف پوسٹاں سوشل میڈیا اُتے شیئر کیتیاںجارہیاں نیں، ایف آئی اے دے سائبر ونگ نوں پتا ہی نہیں کہ کرنا کیہ اے، عظمی بخاری دا ہورکہنا سی کہ9مئی دی کردارعورتاںنوں فٹا فٹ انصاف مل جاندا اے، میں کیتھے جاواں؟ قنون بنان تے تہانوں آزادی اظہار رائے خطرے وچ آجا ندی اے، میں ہر حد تک جاواں گی، چیف جسٹس پاکستان دی عدالت وچ وی جانا پئیا تے جاواں گی، اگر مینوں انصاف نہ ملیا تے کوئی نہیں بچے گا۔