اقوام متحدہ اپنی قرارداداں مطابق مسئلہ کشمیر حل کرائے،مشعال ملک

اسلام آباد(بیورورپورٹ)حریت رہنما یسین ملک دی گھر والی مشعال ملک نے آکھیا اے کہ اقوام متحدہ اپنی قرارداداں مطابق مسئلہ کشمیر حل کرائے۔یوم استحصال کشمیر اُتے ویڈیو پیغام جاری کر دیاں ہو یاں مشعال ملک نے آکھیا اے کہ اج دنیا دے سامنے بھارتی نام نہاد جمہوریت دا چہرہ بے نقاب کرنا چا ہندی ہاں، اج دے دن 5ورھے پہلاں بھارت نے مقبوضہ کشمیر نال 370 تے 35اے ختم کرد تا سی۔اونہاں نے آکھیا اے کہ بھارت نے سید علی گیلانی سنے بوہت سارے کشمیری رہنماواں نوں شہید کیتا، میرے خاوند یسین ملک نوں مسلسل قید رکھیا جارہیا اے، بھارتی مظالم اُتے دنیا نوںآکھاں کھولنیاں چا ہیدیاں، مقبوضہ کشمیر وچ ہون والے مظالم انسانی حقوق دی کھلی خلاف ورزی نیں۔