کسی قسم دی اَت گردی قبول نہیں،موسی خیل واقعہ دی فوری تحقیقات دی جائے:وزیراعظم

اسلام آباد( بیورورپورٹ)وزیراعظم شہباز شریف نے موسی خیل وچ مسافراںنوں گڈیاں توں اتار کے قتل کرن دے اَت گردانہ فعل دی شدید لفظاں وچ مذمت کر دیاں ہویاں آکھیا اے کہ ملک وچ کسی وی قسم دی اَت گردی قطعا قبول نہیں۔وزیراعظم شہباز شریف نے بلوچستان دے علاقے موسی خیل وچ مسافر بس اُتے اَت گرد حملے اُتے شدید غم و غصے دااظہارکر دیاں ہو یاں جاں بحق ہون والیاں لئی دعائے مغفرت تے لواحقین لئی صبر جمیل دی دعا کیتی۔شہباز شریف نے مقامی انتظامیہ نوں لواحقین سے نال مکمل تعاون تے زخمیاں نوں فوری طبی امداد فراہم کرن دی ہدایت کیتی تے قنون نافذ کرن والے اداریاںنوں واقعے دی فوری تحقیقات دا وی حکم دتا۔وزیراعظم دا کہنا سی کہ ملک وچ کسی وی قسم دی اَت گردی قطعا قبول نہیں، ایس واقعے دے ذمہ دار اَت گرداں نوں قرار واقعی سزاواں دتیاں جان گیاں۔