بلوچستان وچ اَت گردی،تحقیقات دے بعد حقائق ثبوت دے نال سامنے لیاواں گے:محسن نقوی

اسلام آباد(بیورورپورٹ)وفاقی وزیرداخلہ محسن نقوی نے آکھیا اے کہ بلوچستان وچ اَت گردی دے واقعات بارے تحقیقات بعد حقائق ثبوت دے نال سامنے لیاواں گے۔اک بیان وچ وفاقی وزیرداخلہ نے آکھیا اے کہ تخریب کاری دے ایہ واقعات پاکستان وچ عدم استحکام پیدا کرن دی سازش اے ، دشمن سوچے سمجھے منصوبے تحت ملک وچ انارکی پیدا کرنا چاہندا اے۔محسن نقوی نے آکھیا کہ سکیورٹی فورسز تے قنون نافذ کرن والے اداریاں نے بروقت کارروائی کرکے 12 اَت گرداں نوں جہنم واصل کیتا، بلوچستان وچ قیام امن لئی ہر ممکن اقدام کیتا جائے گا،اَت گرداں تے سہولت کاراں نوں چھپن دی جگہ نہیں ملے گی۔اونہاں نے ہورآکھیاکہ بلوچستان حکومت دے نال رابطے وچ ہوں ، امن دی فضا برقرار رکھن لئی موثراقدام کیتے جارہے نیں۔