اڈیالہ جیل؛عمران خان دی سہولت کاری وچ ملوث نیٹ ورک نال جڑے وارڈرز وی تبدیل
راولپنڈی(بیورورپورٹ)اڈیالہ جیل وچ بانی پی ٹی آئی عمران خان دی سہولت کاری وچ ملوث نیٹ ورک نال جڑے وارڈرز ملازم وی تبدیل کر دتے گئے۔تبدیل کیتے گئے ملازماں وچ لاپتہ ڈپٹی سپرنٹنڈنٹ محمد اکرم دے اردلی تے منظور نظر جیل وارڈر وی شامل نیں۔ لاپتا ڈپٹی سپرنٹنڈنٹ محمد اکرم دے اردلی محمد ظہیر تے محمد جمیل تبدیل کر دتے گئے۔محمد ظہیرنوں چوہدری پرویز الہی تے محمد جمیل نوں شاہ محمود قریشی دے نال نائٹ ڈیوٹی اُتے تعینات رکھیا گیا سی۔ وارڈر جمیل نوں چکوال تے ظہیرنوں ڈسٹرکٹ جیل گجرات گھل د تا گیا۔لاپتا ڈپٹی سپرنٹنڈنٹ محمد اکرم دے منظور نظر وارڈر یاسر ریاض تے سجاد صدیق نوں وی تبدیل کر دتا گیا۔ وارڈر یاسر ریاض نوں پی بی اکائونٹ تے سجاد صدیق نوں تلاشی انچارج تعینات کیتا گیا سی۔
