ایہ کینسر دا علاج ڈسپرین گولی نال کر رہے نیں،عمرایوب

اسلام آباد(بیورورپورٹ)قائد حزب اختلاف قومی اسمبلی عمر ایوب نے آکھیاکہ اسیں گردشی قرضے دا بہا زیرو دے نیڑے لے آئے ساں لیکن ایس ویلے ایہ فیر وَدھ گیا اے،کینسر دا علاج ایہ ڈسپرین گولی نال کر رہے نیں۔عمر ایوب نے مطالبہ کیتا کہ جبری گمشدگیاں والے معاملے اُتے کمیٹی بنان، اکانومی دا تُسی بیڑا غرق کردتا اے، اینہاں دے ہتھ وچ کجھ وی نہیں اے، ہوش دے ناخن لین، جس پاروں سردار اختر مینگل نے استعفی د تا اوس نوں ہلکا نہ لین، ساڈے ساتھیاں نوں چُکیا جارہیا اے،9 مئی دی گل ہُندی اے، اوس سی ویڈیو تے لیان۔ تُسی ٹرانسفارمر وَدھ کروجس نال تہاڈا نقصان گھٹ ہوئے گاایس ویلے سرکلر قرض ودھ رہیا اے، ایہ پیمنٹ نہ آن پاروں لوڈ شیڈنگ کر رہے نیں، اونہاںنوں معلوم ہی نہیں کہ چیزاں دے نال نمٹیا کسطرح جاندا اے، اینہاں گرمیاں وچ بجلی دی 26500 میگا واٹ ڈیمانڈ سی