احتجاج، پولیس تشدد کیس: علی امین سنے پی ٹی آئی رہنماواں دے ناقابل ضمانت وارنٹ گرفتاری جاری

انسداد دہشت گردی عدالت لہور وچ 5 اکتوبر نوں پی ٹی آئی دے احتجاج تے پولیس اُتے تشدد توں متعلق مقدمے دی سماعت ہوئی

اسلام آباد (بیورورپورٹ)5 اکتوبر 2024 نوں پنجاب دے دارالحکومت لہور وچ احتجاج تے پولیس اُتے تشدد توں متعلق مقدمے وچ وزیراعلیٰ خیبر پختونخوا علی امین گنڈا پور، سابق وفاقی وزیر حماد اظہر سنے پاکستان تحریک انصاف دے رہنما واں دے ناقابل ضمانت وارنٹ گرفتاری جاری کر دتے گئے۔ انسداد دہشت گردی عدالت لہور وچ 5 اکتوبر نوں پی ٹی آئی دے لہور وچ احتجاج تے پولیس پر تشدد توں متعلق مقدمے دی سماعت ہوئی۔ عدالت نے وزیراعلیٰ خیبر پختونخوا علی امین گنڈاپور دے ناقابل وارنٹ گرفتاری جاری کر دتے، پولیس دی درخواست تے ناقابل ضمانت وارنٹ گرفتاری جاری ہوئے۔ انسداد دہشتگردی عدالت دے ایڈمن جج منظر علی گل نے وارنٹ گرفتاری جاری کیتے۔ علی امین گنڈا پور سنے پی ٹی آئی دے ہور 4 رہنماواں دے وارنٹ گرفتاری جاری ہوئے۔ جنہاں رہنماواں دے ناقابل ضمانت وارنٹ جاری ہوئے ایہناں وچ سابق وفاقی وزیر، پی ٹی آئی دے سینئر رہنما حماد اظہر وی شامل نیں، ایہناں دے علاوہ سعید سندھو تے شہباز احمد دے وی وارنٹ گرفتاری جاری کیتے گئے۔ عدالت وچ سماعت دے دوران لہور پولیس نے موقف اختیار کیتا کہ علی امین گنڈا پور سنے ہور پی ٹی آئی رہنما شامل تفتیش نہیں ہو رہے، ایہناں دے وارنٹ گرفتاری جاری کیتے جائون۔ تھانہ مستی گیٹ پولیس نے مقدمہ درج کر رکھیا اے۔