کراچی وچ اغوا دے بعد قتل ہوئون والی 5 سالہ بچی توں متعلق ویڈیوز سامنے آ گئیاں
منظر عام اُتے آئون والی آخری سی سی ٹی وی فوٹیج وچ سویرا نال ایس دا نکا بھائی وی موجود اے
منظر عام اُتے آئون والی آخری سی سی ٹی وی فوٹیج وچ سویرا نال ایس دا نکا بھائی وی موجود اے
کراچی (بیورورپورٹ) کراچی وچ اغوا دے بعد قتل ہوئون والی 5 سالہ بچی توں متعلق سی سی ٹی وی فوٹیجز سامنے آ گئیاں۔ ذرائع خصوصی تحقیقاتی ٹیم دے مطابق سویرا توں متعلق منظر عام اُتے آئون والی آخری سی سی ٹی وی فوٹیج وچ ایس نال ایس دا نکا بھائی وی موجود اے۔ تفتیش کاراں نے سویرا دے نکے بھائی دا بیان لیا اے جس دے مطابق اوہ تے سویرا چیز لین گئے سی جس دے بعد واپس گھر آ گئے سی۔ خصوصی تحقیقاتی ٹیم نے دسیا کہ نکے بھائی دے بیان دے مطابق سویرا گھر آئون دے بعد دوبارہ گھر توں نکلی تے لاپتہ ہوگئی۔ تفتیش کاراں نے سویرا دی رہائش گاہ تے اطراف وچ متعدد گلیاں دی سی سی ٹی وی فوٹیجز دا جائزہ لیا تاہم اطراف دی گلیاں توں سویرا دی کوئی ہور سی سی ٹی وی فوٹیج نہیں مل سکی۔ سی سی ٹی وی فوٹیج وچ نظر آئون والے سویرا دے رشتے دار دی ڈی این اے رپورٹ حاصلِ کرن لئی سیمپل لیب بھیجیا اے۔ خصوصی تحقیقاتی ٹیم دے مطابق ایڈیشنل آئی جی کراچی دے حکم تے بنائی گئی خصوصی تحقیقاتی ٹیم مختلف پہلوواں اُتے کم کر رہی اے تے ہون تک پولیس نے 12 توں بہتے مشتبہ افراد نوں حراست وچ لے کے پچھ گچھ کیتی اے۔ پولیس نے سویرا دے بھائی دا وی بیان لیا اے تے ورثاء نال وی ملاقات کیتی اے۔
