ڈی آئی خان: چیک پوسٹ تے خوارج دا حملہ نکام: جوابی کارروائی تے دہشتگرد فرار
فتن الخوارج دے حملہ آوراں دی تعداد 18-19 سی جہڑے مسلح تے 8 موٹر سائیکلاں اُتے سوار سی
پشور (بیورورپورٹ) ڈی آئی خان وچ پولیس چیک پوسٹ اُتے خوارج دا حملہ نکام بنا دتا گیا، جوابی کارروائی تے دہشت گرد فرار ہون تے مجبور ہو گئے۔ پولیس دے مطابق پولیس چیک پوسٹ دھڑئے پل اُتے دہشت گرداں دا حملہ بنوں پولیس نے نکام بنا دتا۔ ڈی پی او بنوں دے مطابق نصف شب نوں پولیس پوسٹ دھرئے پل اُتے دہشت گرداں نے حملہ کیتا، جنہوں بہادر پولیس اہلکاراں دی بروقت تے فوری جوابی کارروائی نال نکام بنا دتا گیا۔ فتن الخوارج دے حملہ آوراں دی تعداد 18-19 سی جہڑی مسلح تے 8 موٹر سائیکلاں اُتے سوار سی۔ دہشت گرداں دا اک گروپ رینگدے ہوئے پولیس پوسٹ ول ودھ رہیا سی۔ دہشت گرد آئی ٹی کیمرے نوں نشانہ بنا کے اک مربوط حملہ کرنا چاہ رہے سی۔ حکام دے مطابق پولیس جواناں نے مشکوک حرکتاں دے سدباب لئی کارروائی شروع کیتی تے ایس دوران دہشت گرداں دے ہورناں ساتھیاں نے مختلف اطراف توں چوکی اُتے فائرنگ شروع کر دتی۔ پولیس ولوں بھرپور جوابی کارروائی دے بعد دہشت گرد نسن تے مجبور ہوگئے۔ آئی جی پولیس نے دہشت گرداں دے حملے نوں نکام بنائون تے پولیس دے جواناں دے حوصلے دی تعریف کیتی اے۔
