ججز ٹرانسفر کیس: رجسٹرار سندھ ہائیکورٹ دا جواب سپریم کورٹ وچ جمع

رجسٹرار سندھ ہائی کورٹ نے جواب دے نال متعلقہ دستاویزات وی جمع کروا دتیاں

اسلام آباد (بیورورپورٹ) ججز ٹرانسفر کیس وچ رجسٹرار سندھ ہائی کورٹ نے جواب سپریم کورٹ وچ جمع کروا دتا۔ جمع کروائے جواب وچ آکھیا گیا کہ سیکرٹری قنون دا جسٹس خادم سومرو دے تبادلے توں متعلق خط موصول ہویا، سیکرٹری قنون دا خط چیف جسٹس سندھ ہائی کورٹ نوں پیش کیتا گیا۔ چیف جسٹس سندھ ہائی کورٹ دی منظوری نال سیکرٹری قنون نوں آگاہ کیتا، سیکرٹری قنون نے جسٹس خادم سومرو دی رضامندی دے بعد تبادلے دا نوٹیفکیشن جاری کیتا۔ رجسٹرار سندھ ہائی کورٹ نے جواب دے نال متعلقہ دستاویزات وی جمع کروا دتیاں جس وچ تبادلے توں متعلق ہون والی خط و کتابت تے نوٹیفکیشنز شامل نیں۔