جیتھے عورتاں خوف دی زندگی گزارن، اوہ معاشرے ترقی نہیں کرسکدے آصفہ بھٹو
اسلام آباد(بیورورپورٹ)اسلامی جمہوریہ پاکستان دی پہلی خاتون آصفہ بھٹو زرداری نے عورتاں تے تشدد دے خاتمے دے عالمی دن تے اپنے بیان وچ آکھیا کہ جتھے عورتاں خوف یا خموشی نال زندگی گزارن گیاں اوتھے سماج ترقی نہیں کر سکدا، ریاست پاکستان ساریاں عورتاں تے بچیاں دی عزت، حقوق تے حفاظت لئی پرعزم اے۔ خاتون اول نے آکھیا کہ سزا توں بچن دی ثقافت نوں ختم کرنا انصاف لئی ضروری اے، سانوں تعصب دے مقابلے وچ عزت، خموشی دے مقابلے وچ ہمت تے غفلت دے مقابلے وچ جوابدہی دا چنائو کرنا ہووے گا۔ آصفہ بھٹو زرداری نے آکھیا کہ عورتاں دی آواز اہم اے، اوہناں دا تحفظ تے خواب اہم نیں، آئندیاں نسلاں لئی اک محفوظ تے برابر معاشرے دا قیام لازمی اے۔ اوہناں نے آکھیا کہ پاکستان دی ترقی عورتاں لئی محفوظ محول توں مشروط اے، پاکستان دے شہری، ادارے تے کمیونیٹیاں عورتاں تے تشدد دے خاتمے لئی متحد ہون۔
