مولانا خالی ہتھ اسلام آباد آئے سن تے خالی ہتھ ای گئے: فردوس عاشق

مولانا صاحب حلقے وچ جان ‘سیاسی طور تے ہلکے نہ ہون‘امید اے نوازشریف عدالتی فیصلے دی پاسداری کردیاں ہویاں پاکستان آن گے، ٹو ئٹ
اسلام آباد(بیورو رپورٹ) وزیراعظم دی معاون خصوصی برائے اطلاعات فردوس عاشق اعوان نے مولانا فضل الرحمان نوں آڑے ہتھاں لیندیاں ہویاں آکھیا اے کہ مولانا خالی ہتھ اسلام آباد آئے سن تے خالی ہتھ ای گئے۔ٹوئٹر اتے جاری بیان وچ فردوس عاشق اعوان نے آکھیا اے کہ نوازشریف تے شہبازشریف نے عدالت نوں یقین دہانیاں کرائیاں اے کہ اوہ واپس آپڑن گے۔

تے انڈیمنٹی بانڈ دی شرط نوں ہائیکورٹ نے رد نہیں معطل کیتا ۔امید اے نوازشریف عدالتی فیصلے دی پاسداری کردیاں ہویاں پاکستان آن گے۔اوہناں نے مولانا فضل الرحمن دے اتے خوب تنقید کیتی اوہناں نے آکھیا اے کہ مولانا صاحب تہاڈی سیاسی جڑاں عوام نے کٹیاں‘ تساں جمہوریت کولوں بدلہ لین اتے تل گئے قوم نے ویکھ لیا کے کون اسلام آباد توں چلدا بنیا عوام نے تہان نوں ہن رد کردتا اے۔ عوام نے ثابت کیتا اے کہ اوہ انتہا پسندی دے نال نہیں۔ عوام نے تہاڈے سارے پلان چوپٹ کردتے ۔