بورے والا: طالبہ نال مبینہ ہراسگی ’تے پروفیسر معطل، یونیورسٹی داخلہ بند
بورے والا وچ فیصل آباد زرعی یونیورسٹی دے سب کیمپس وچ اک پروفیسر ’تے طالبہ نال مبینہ ہراسگی دا الزام سامنے آیا اے۔
پروفیسر دی اوہ ویڈیو وی وائرل ہوئی جتھے اوہ طالبہ نوں مبینہ طور ’تے نتائج وچ اضافی نمبر دین دی پیشکش کر رہا سی۔
یونیورسٹی انتظامیہ دے مطابق طالبہ نے پروفیسر خلاف تحریری درخواست جمع کرائی، جس نوں بعد وچ ہائر ایجوکیشن کمیشن پاکستان دے ویمن ہراسمنٹ یونٹ ولّ بھیج دِتا گیا۔
کمیشن نے شکایت وائس چانسلر نوں فارورڈ کیتی، جس ’تے فوری ایکشن لیتے ہوئے پروفیسر نوں معطل کر دِتا گیا تے یونیورسٹی وچ داخلہ وی مکمل طور بند کر دِتا گیا۔
پرنسپل نے وی انکوائری مکمل ہون تک اپنا استعفا جمع کرا دِتا۔
یونیورسٹی مطابق طالبہ نے 31 اکتوبر نوں مبینہ طور ’تے زائد نمبر دی پیشکش بارے باقاعدہ شکایت دِتی سی۔
