آکسفورڈ یونین مباحثہ: پاکستان دی وڈی علمی فتح، بھارتی وفد وقت ’تے دستبردار

آکسفورڈ یونین دے تصدیق شدہ مباحثے وچ پاکستان نے بڑی علمی فتح حاصل کر لئی۔
پاکستان ہائی کمیشن لندن دے مطابق بھارت دے نامزد اعلیٰ سطحی مقررین—جنرل ایم ایم نرواں، ڈاکٹر سبرامنیم سواامی تے سچن پائلٹ—عین وقت ’تے مباحثے توں دستبردار ہو گئے۔

بھارتی وفد دی اجتماعی پسپائی دے بعد پاکستان نوں آکسفورڈ یونین وچ بلامقابلہ کامیابی مل گئی۔
پاکستانی وفد—جس وچ جنرل (ر) زبیر محمود حیات، حنا ربانی کھر تے ڈاکٹر محمد فیصل شامل سن—لندن پہنچ چکے سن، پر بھارتی وفد حاضر ہون دی ہمت نہ کر سکیا۔

ہائی کمیشن مطابق، بھارتی مقررین دے انکار بعد بھارتی طرفوں چند غیر معروف تے کم درجے والے نام مباحثے لئی پیش کیتے گئے، جیہڑے پاکستانی وفد دے معیار دے مطابق نہیں سن۔
ایہہ تبدیلی مباحثے دی ساکھ تے توازن نوں سخت متاثر کر گئی۔

قرارداد ایہہ سی:
“بھارت دی پاکستان پالیسی صرف عوامی جذبات بھڑکان دا طریقہ اے۔”
بھارتی مقررین ایہہ بحث کرن توں ہی فرار ہو گئے۔

ہائی کمیشن نے کہا کہ آکسفورڈ یونین ورگے غیر جانبدار فورم ’تے بھارتی بیانیے دی کمزوری سامنے آ گئی۔
بھارتی رہنما ٹی وی چینلز ’تے تاں زور شور نال بولدے نیں، پر علمی مباحثے وچ دلیل پیش کرن توں ڈردے نیں۔

دلچسپ گل ایہہ اے کہ آکسفورڈ وچ بھارتی طلبہ دی اکثریت ہون دے باوجود، بھارتی وفد ووٹ دا سامنا کرن لی تیار نہیں سی۔

پاکستان ہائی کمیشن دے مطابق، بھارت دی نام نہاد “سکیورٹی پالیسی” ممکنہ منطقی سوالات دا جواب نہ دے سکدی سی۔
بھارتی تجزیہ کار، جو میڈیا ’تے پاکستان خلاف پراپیگنڈا کردے نیں، جدو کھلے مباحثے دا موقع ملیا تاں غائب ہو گئے۔

ایہہ واقعہ مئی 2025 توں جاری بھارت دی سفارتی تے بیانیاتی ناکامیاں دی تازہ مثال اے۔

چرچل دا قول وی یاد دِوا دتا گیا:
“گفتگو جنگ توں بہتر اے”
لیکن بھارت ایہہ ثابت کر رہیا اے کہ او نہ گفتگو لئی تیار اے نہ جواب دہی لئی۔

پاکستان مکمل تیاری نال آیا—دلیل، مکالمہ تے قانونی موقف دے نال۔
بھارت نے بحث شروع ہون توں پہلے ہی ہتھیار ڈال دتے۔

آکسفورڈ یونین وچ بھارتی وفد دی غیرحاضری بھارت دے اپنے عوام لئی وی سوالیہ نشان بن گئی اے۔
پاکستان دا موقف صاف، مدلل تے بااعتماد سی، جدو کہ بھارت نے پسپائی نوں ہی اپنی “حکمت عملی” بنا لیا۔