معذور افراد معاشرے دا اہم حصہ کسی صورت نظرانداز نہیں کیتا جا سکدا: احسن اقبال
نارووال (این این آئی) وفاقی وزیر منصوبہ بندی، ترقی تے خصوصی اقدامات احسن اقبال نے آکھیا ہے کہ حکومت معذور افراد دی مشکلات توں پوری طرح آگاہ اے تے اوہناں دے حقوق دی حفاظت لئی سارے وسائل استعمال کر رہی اے۔
ایہہ خیالات اوہناں نے محکمہ سوشل ویلفیئر دی زیر نگرانی معذور افراد وچ الیکٹرانک ویل چیئرز دی تقسیم دی تقریب دوران اظہارِ خیال کر دے ہوئے کیتے۔
احسن اقبال نے کہا کہ معذور افراد معاشرے دا اہم حصہ نیں، جنھاں نوں کسی حال وچ وی نظرانداز نہیں کیتا جا سکدا۔ پنجاب حکومت انہاں افراد دی مشکلات نوں سمجھدی اے تے انہاں دی حوصلہ افزائی تے حقوق دی حفاظت نوں یقینی بنان لئی مؤثر اقدامات کر رہی اے۔
اوہناں آکھیا کہ وزیراعلیٰ پنجاب مریم نواز ولوں خصوصی افراد نوں الیکٹرانک ویل چیئرز فراہم کرنا اس ہی سلسلے دی مضبوط کڑی اے۔
احسن اقبال نے کہا کہ معذور افراد معاشرے اُتے بوجھ نہیں، ساڈا فرض اے کہ اسی اوہناں دا سہارا بنئیے۔
اوہناں دا کہنا سی کہ معذور افراد دی خدمت اللہ دی رضا دا ذریعہ اے، تے ساڈا مقصد اے کہ انہاں دی بھرپور حوصلہ افزائی کر کے اوہنوں مفید شہری بنان وچ مدد کیتی جائے۔
