ٹی آئی پی لائسنس ہولڈرز لئی سخت رول آئوٹ تقاضے پی ٹی اے نے نگرانی سخت کرن دا فیصلہ کر لیّا
لاہور (این این آئی) پاکستان ٹیلی کمیونیکیشن اتھارٹی (پی ٹی اے) نے ٹیلی کمیونیکیشن انفراسٹرکچر پرووائیڈر (TIP) لائسنس ہولڈرز دی ناقص کارکردگی ’تے سخت نوٹس لے لیّا اے تے ہُن انہاں لئی سخت رول آئوٹ تقاضے متعارف کراؤن دا فیصلہ کر لیا گیا اے۔
پی ٹی اے دے مطابق زیادہ تر لائسنس ہولڈرز بنیادی تقاضے پورے کرن وچ نکام رہے نیں، جس دے باعث انفراسٹرکچر ڈیولپمنٹ تے سروسز دے معیار اُتے منفی اثر پیا۔ اتھارٹی نے غیر فعال لائسنس ہولڈرز دی وڈی تعداد اُتے شدید تشویش دا اظہار کیتا اے۔
پی ٹی اے دے اعلامیے مطابق:
- ٹی آئی پی لائسنس ہولڈرز لئی سخت شرطاں لائسنس وچ شامل کیتیاں جا رہیاں نیں۔
- سالانہ اہداف لازمی پورے کرنا ہون گے۔
- کمزور رول آئوٹ تے غیر فعال لائسنس کسی صورت برداشت نہیں ہون گے۔
اتھارٹی نے سٹیک ہولڈرز توں انہاں دی رائے تے متبادل تجاویز وی طلب کر لیاں نیں تاکہ نئے تقاضے زیادہ مؤثر، شفاف تے عملی بنائے جا سکّن۔
