پی آئی اے دی نجکاری: شفافیت تے میرٹ پہلی ترجیح وزیراعظم شہباز شریف
اسلام آباد (این این آئی): وزیراعظم شہباز شریف نال پی آئی اے دی نجکاری وِچ حصہ لین والیاں کاروباری شخصیات تے مختلف کمپنیاں دے نمائندیاں نے ملاقات کیتی۔ اس ملاقات دوران وزیراعظم نے دسیا کہ پی آئی اے دی بڈنگ 23 دسمبر 2025 نوں ہووے گی، جِنوں پورے ملک وچ میڈیا اُتے براہِ راست نشر کیتا جائے گا۔
وزیراعظم نے زور دِتّا کہ پاکستان انٹرنیشنل ائیر لائنز دی نجکاری وچ شفافیت تے میرٹ حکومت دی اولین ترجیح نیں۔ اوہناں نے آکھیا کہ پی آئی اے دا کھویا ہویا تشخص بحال کرن تے اس نوں جدید تقاضیاں مطابق مضبوط بناؤن لئی نجکاری دا عمل بغیر کسی رکاؤٹ دے جاری اے۔
شہباز شریف نے امید ظاہر کیتی کہ انشاء اللہ پی آئی اے جلد فیر “گریٹ پیپل ٹو فلائی ود” دی اپنی روایت اُتے پورا اترین لگے گی۔
اجی ملاقات وچ سارے بڈرز نے وزیراعظم ہاؤس وِچ شریک ہو کے نجکاری دے عمل دی شفافیت تے پیشہ وارانہ طریقہ کار دی تعریف کیتی۔ اجلاس وچ وفاقی وزرا اسحاق ڈار، احد چیمہ، محمد اورنگزیب، عطا تارڑ، اعظم نذیر تارڑ، اویس لغاری، وزیرِ مملکت بلال اظہر کیانی، مشیر محمد علی، معاون خصوصی ہارون اختر تے متعلقہ اعلیٰ حکام موجود سن۔
