غیر قنونی افغان باشندیاں دی وطن واپسی: خیبر پختونخواہ دی سست روی باعث تشویش
اسلام آباد (این این آئی): پاکستان وچ غیر قنونی افغان باشندیاں دی وطن واپسی جاری اے، پر وفاقی حکومت دی سنجیدہ حکمت عملی دے مقابلے وچ خیبر پختونخواہ دی سست روی تشویشناک قرار پائی اے۔
وفاقی حکومت نے غیر قنونی افغان باشندیاں دی واپسی لئی جامع پلان شروع کیتا، جیہڑا قومی سلامتی، ریاستی وسائل دے تحفظ تے دہشتگردی دے خاتمے لئی ناگزیر اے۔ ایس منصوبے دے تحت ملک بھر وچ افغان مہاجر کیمپاں نوں مرحلہ وار ڈی نوٹیفائی کیتا گیا۔
فیز 3 دے نفاذ بعد مجموعی طور 54 افغان مہاجر کیمپاں نوں غیر فعال قرار دتا گیا:
- خیبر پختونخواہ: 43 کیمپ
- بلوچستان: 10 کیمپ
- پنجاب: 1 کیمپ
ڈی نوٹیفکیشن مرحلے 25 ستمبر، 13 اکتوبر تے 15 اکتوبر 2025 نوں مکمل کیتا گیا۔ پنجاب تے بلوچستان نے وفاقی پالیسی اُتے فوری عملدرامد کیتا، جس نال پیش رفت دیکھنے وچ آئی۔ پنجاب نے میانوالی دا واحد افغان کیمپ مکمل طور تے خالی کرا دتا۔ بلوچستان وچ 88 ہزار توں ودھ افغان شہریاں دی واپسی جاری اے تے دسمبر تک مکمل ہو جائے گی۔
پر خیبر پختونخواہ دی صورتحال دوجے صوبیاں دے مقابلے وچ نہایت تشویشناک اے۔ خیبر پختونخواہ دے 43 ڈی نوٹیفائیڈ کیمپاں وچوں صرف 2 کیمپاں مکمل طور تے خالی ہوئے، باقی کیمپ بدستور فعال نیں۔
