پاکستان تے کرغزستان وچ معاشی تعاون دے نویں دور دا آغاز، اہم معاہدیاں دا تبادلہ
اسلام آباد (این این آئی) پاکستان تے کرغزستان نے معاشی، سفارتی، ثقافتی تے توانائی سمیت متعدد شعبیاں وچ تعاون وادھاون لئی اہم معاہدیاں تے مفاہمتی یادداشتاں اُتے دستخط کیتے نیں۔ وزیراعظم ہاؤس اسلام آباد وچ منعقدہ تقریب وچ وزیراعظم شہباز شریف تے کرغزستان دے صدر صادر ژاپاروف نے شرکت کیتی۔
تقریب دوران بشکیک تے اسلام آباد نُوں جڑواں شہر قرار دین دا معاہدہ وی طے پایا، جس نال دونویں ملکاں وچ شہری تعاون تے ترقیاتی روابط مزید مضبوط ہون گے۔ پاکستان 2 سالاں وچ کرغزستان نال تجارتی حجم نُوں 200 ملین ڈالر تک لیجان لئی پرعزم اے۔
کان کنی، جیو سائنسز، سیاحت، توانائی، ثقافت، فارن سروسز ٹریننگ تے سفارتی اکیڈمیز وچ تعاون بارے اہم مفاہمتی یادداشتاں دا تبادلہ وی کیتا گیا۔ وزارت قانون و انصاف پاکستان تے کرغزستان دی وزارت انصاف وچ معاہدہ طے پایا، جِس نال قانونی تعاون تے عدالتی روابط بہتر ہون گے۔
دونویں ملکاں نے سزا یافتہ قیدیوں دے تبادلے بارے وی معاہدہ کیتا، جِس نال انسانی ہمدردی دی بنیاد اُتے قیدیوں نُوں اپنے وطن منتقل کرن دی سہولت میسر ہووے گی۔ پاکستان – کرغزستان بزنس فورم دوران معاشی تعاون دیاں نویں راہواں کھلنے اُتے وی اتفاق کیتا گیا۔
