مریم نواز نے کوڑے کرکٹ توں توانائی پیدا کرن دا جامع پلان طلب کر لیتا
لہور (سٹاف رپورٹر) وزیراعلیٰ پنجاب مریم نواز نے کوڑے کرکٹ توں توانائی پیدا کرن دا جامع پلان طلب کردیاں آکھیا اے کہ صفائی دا ایناں وڈا نظام کسے معجزے توں گھٹ نہیں۔ وزیراعلیٰ مریم نواز دی زیر صدارت ستھرا پنجاب دے حوالے نال اجلاس ہویا جیہدے وچ فیصلہ کیتا گیا اے کہ جیہڑا وی پنجاب وچ گندگی پھیلائے گا اوہ جرمانے دی سزا پائے گا۔ اجلاس وچ فیصلہ کیتا گیا اے کہ پنجاب وچ صفائی والی گڈیاں وی ہن ماحول دوست الیکٹرک وہیکلز ہون گئیاں۔ کمرشل ایریاز تے سڑک اُتے کوڑاکرکٹ پھیلان والے قنون دے شکنجے وچ ہون گے۔ مریم نواز نے آکھیا کہ شہراں تے پنڈاں دی صفائی دا جامع نظام سالاں پہلے بننا چاہیدا سی۔ اسیں زیرو توں آغاز کیتا اے ویلے دے نال نال ستھرا پنجاب پراجیکٹ وچ بہتری لیا رہے آں۔
