عمران خان جیل رولز دے مطابق سیاسی گفتگو نہیں کر سکدے:وفاقی وزیر قانون
رول 265 دے تحت اک ہفتے وچ اک واری ملاقات ہو سکدی اے۔ ملاقات کرن والیاں دی گنتی 6 ہووے گی:اعظم تارڑ
اسلام آباد (این این آئی) وزیر قانون اعظم نذیر تارڑ نے آکھیا اے کہ پاکستان تحریک انصاف دے بانی عمران خان جیل رولز دے مطابق سیاسی گل بات نہیں کر سکدے کیوں جے قنون وچ واضح لکھیا اے کہ ملاقات وچ جیہڑی وی گل ہووے گی اوہنوں پبلک نہیں کیتا جا سکدا۔ وفاقی وزیر قنون اعظم نذیر تارڑ نے وفاقی وزیر اطلاعات عطا تارڑ دے نال پریس کانفرنس کردیاں آکھیا کہ اج کل بانی پی ٹی آئی عمران خان دی جیل وچ ملاقاتاں توں متعلق اک گل بڑی واری دہرائی جاندی اے۔ اوہناں نے آکھیا کہ اجے اسلام آباد دی جیل آپریشنل نہیں ہوئی۔ اڈیالہ جیل پنجاب وچ اے تے اوتھے وی ساڈی حکومت اے ایس لئی گل ہُندی اے جیل مینوئل دے تحت ملاقاتاں ہُندیاں نیں۔ اوہناں دا آکھنا سی کہ رول 265 دے تحت اک ہفتے وچ اک واری ملاقات ہو سکدی اے۔ ملاقات کرن والیاں دی گنتی 6ہووے گی۔ ہفتے وچ اک چٹھی وی لکھ سکدے نیں تے اوہ جیل رولز دے مطابق سیاسی گل بات نہیں کر سکدے۔
