کرغز صدر دے اعزاز وچ وزیراعظم ہاؤس وچ استقبالیہ
مسلح افواج دے چاق چوبند دستے توں گارڈ آف آنر دا معزز مہمان نے معائنہ کیتا
اسلام آباد (بیورورپورٹ) کرغزستان دے صدر دے اعزاز وچ وزیراعظم ہاؤس وچ پروقار استقبالیہ تقریب دا انعقاد کیتا گیا۔ وزیراعظم ہاؤس آمد تے وزیراعظم شہباز شریف نے کرغزستان دے صدر صادرژاپاروف دا پرتپاک استقبال کیتا ، دونواں رہنماؤاں نے اک دوجے لئی خیر سگالی دے جذبات دا اظہار کیتا ایس موقع تے دونواں ممالک دے قومی ترانے وی بجائے گئے۔کرغزستان دے صدر نوں مسلح افواج دے چاق چوبند دستے ولوں گارڈ آف آنر پیش کیتا گیا، معزز مہمان نے گارڈ آف آنر دا معائنہ کیتا۔ ایس موقع تے دونواں رہنماؤاں نے اپنے اپنے وفد دے ارکان دا تعارف وی کروایا ، بعدازاں کرغزستان دے صدر نے وزیراعظم ہاؤس دے احاطے وچ پودا وی لایا۔
