امریکی شہر ڈیلاویئر وچ گرفتار شخص پاکستانی نہیں اے، دفتر خارجہ
امریکا وچ گرفتار لقمان خان افغان اے، اپنی زندگی دا زیادہ حصہ امریکا وچ گزارا اے، طاہر اندرابی
اسلام آباد (بیورورپورٹ) دفتر خارجہ نے امریکی شہر ڈیلاویئر وچ اسلحہ رکھن تے حملے دی منصوبہ بندی دے الزام وچ گرفتار شخص دی پاکستانی نژاد ہون دی تردید کر دتی۔ ترجمان دفتر خارجہ طاہر اندرابی نے امریکا وچ گرفتار شخص توں متعلق اہم بیان جاری کردیاں ہوئیاں دسیا کہ امریکا وچ پھڑیا گیا لقمان خان پاکستانی شہری نہیں بلکہ افغان شہری اے۔ اواضح رہے کہ اوہدے توں پہلاں خبر سامنے آئی سی کہ امریکی شہر ڈیلاویئر وچ پاکستانی نژاد نوجوان لقمان خان نوں گرفتار کیتا گیا اے۔ لقمان خان نوں 24 نومبر نوں گرفتار کیتا گیا سی، 25 ورھیاں دے ملزم دی گڈی تے گھر توں بھاری اسلحہ ، گولہ بارود برآمد کیتا گیا سی۔ ملزم نے ڈیلاویئر یونیورسٹی دے پُلس ڈیپارٹمنٹ تے حملے دا منصوبہ بنایا سی، ملزم دے قبضے توں حملے دی منصوبہ بندی دے نوٹس وی برآمد ہوئے نیں۔ ملزم تے غیر قنونی مشین گن رکھن تے حملے دی منصوبہ بندی دا الزام 26 نومبر نوں عائد کیتا گیا ، ملزم نوں1 دسمبر نوں عدالت وچ پیش کیتا جاویگا۔
