رائیڈرز نُوں ٹِپ دینا لَازمی نئیں، اوہناں نُوں ذلیل کرنا جُرم فِضا علی دا ندا یاسر دے بیان تے رَدّعمل
مشہور اداکارہ، ماڈل تے ٹی وی ہوسٹ فضا علی نے ساتھی ہوسٹ ندا یاسر دے ڈلیوری بوائز بارے دِتے بیان ’تے ردعمل دِتے آکھیا ہے کہ رائیڈرز نوں ٹِپ دینا کوئی فرض نی، پر اوہناں نوں زلیل کرنا ضرور جرم ہے۔
کُج دن پہلاں ندا یاسر نے اپنے پروگرام وچ آکھیا سی کہ کھانا لے کے آن والے ڈلیوری بوائز کھلے پیسے نہ ہون دا بہانہ بناؤن تے جھوٹ بولدے نیں۔
اوہ آکھدی سی کہ ڈلیوری بوائز جھوٹ ماردے نیں، بہانے بناؤندے نیں، تے اس وجہ نال اسدا وی دل نہیں کردا کہ اوہناں نوں ٹِپ دےوے۔
ندا یاسر دے مطابق جدوں کوئی ڈلیوری بوائے کھلے پیسے نہ ہون دا بہانہ بناؤندا ہے، تاں اوہ اپنے ڈرائیور کولوں کھلے پیسے منگوا کے اوہناں نوں اصل رقم دیندی ہے۔
ندا دے بیان ’تے جتھے لوکاں نے برہمی دا اظہار کیتا، اوتھے فضا علی نے انسٹاگرام ویڈیو وچ بغیر ناں لِئے ندا اُتے تنقید کیتی۔
فضا علی نے آکھیا کہ ہر بندے دا کم عزت والا ہوندا ہے، رائیڈرز وی عزت دے حقدار نیں، اوہناں دے کم نوں چھوٹا نہ سمجھیا جائے۔
اوہ آکھدی رہی کہ ڈلیوری بوائز دے وی اپنے کار والے ہوندے نیں — ماواں، بچے، بیویاں — جو انہاں دی راہ تَکدے نیں، تے انہاں دا روزگار وی ایہ کم ای ہے۔
فضا علی دے مطابق رائیڈرز نوں زلیل کرنا چنگا کم نہیں، اوہناں ’تے تنقید کرنا غلط گل ہے۔
اوہ آکھدی رہی کہ ٹِپ دینا لازم نہیں، پر کسی بندے نوں زلیل کرنا انسانیت دے خلاف ہے۔
